رانيه رنوش تكتب (( لعيونك يا حلو ))

لعيونك يا حلو

لملمت من خدود الورد قطر الندى

وخبيتو بقلب الحلا رشة غلاا

وبعتو لعيون النجمات بليل السهر

يحكيلو قصص وغنيات ومواويل

وعتابه وميجانة...

ويسأل عيونك يا حلو عن

عن دقات قلب هاك الصبية

لما قلبك لدقات قلبها عد وحصى

يا هدية الرحمن يا كل العمر

لما أصابعك بتعزف على شعرها هالطويل

أحلى الأغاني. ..

وبتزرع على شفايفها هالبتول

خمر حبك زرار ورد متكية!!!

ولما قلبك بتضبطه ع دقات قلبها

نبض الروح ..وبتقول يا هالليل

بسري اوعك تبوح!!!

رسمتك يا حلوة ووشمتك بكتاب العمر

قصيدة ما كتبها عنتر المغوار

وصيتي الك ياقمررر

لاتبعدي نهدات صدرك

هالحنونة..عن عيوني

مادامت ريحة هالخبز الأصيلة

بتفوح سنابل حلاا على التنور

وحكاية حلا وتل زهار

رانيه سعيد//سورية