حسن عمران يكتب (( مأساة أم ))

مأساة أم..                        تجاعيدك دي ولا جروحك..                             ولا دي تباشير حلاوة روحك..                         بعد ما فاتك كل الأحباب..                      وماعدوش بيخطوا عتبة باب..               وصبحتي لوحدك ف الدنيا..                                 بلا أولادك ولا حتي اصحاب..                    وبقيتي عايشة ف الدنيا..                        ياحبيبتي وأملك كداب..                               عايشه لبكره.. ومليون فكره..                     معقوله حتجيني طلتهم..                       يحضنوا بيتهم.. واسمع أصواتهم..                      دقتهم تاني ع الباب؟!..                                 لكن امللك ياحبيبتي ده شاب..                    يالبني السارح جواهم..                                أصرخ وأشكي ف مين أساهم..                     شوق ف عنيهم وهواهم..                                  يمكن يقولوا وحشاهم..                                  وابقي معاهم..                                         وأقضي سنيني حضناهم..                         وأرسم شوقي جوه عنيهم..                          لمس أيديهم..                                                 بس بشويش قوي عليهم..                             أياك تفزعهم.. ترعبهم..                                    ولا بالقسوه ترهبهم..                                   فكرهم بي.. بأيامي..                                        يوم كانوا كتاكيت عام والتاني..                   يجروا ويلعبوا جوه أحلامي..                       وأدعي يخليهم.. يحميهم..                            الرب الحافظ..  والحامي..                          وفكرهم بالبط وشرشر..                              والواد الشقي لما يفكر..                             ودروس المدرسة والرحلة..                          يمكن فيهم حد يقدر..                                    وتحن قلوبهم ولاقيهم..                                وأضم اتشعبط قوي فيهم..                               ولو إن الخوف عاصر قلبي..                               لخبري يوصل قبليهم.                                    

         خالص تحياتي. :                                      
               الشاعر والمؤلف :     حسن عمران.       28/8/2016