المبدعة شاعرة الياسمين منى ضيا
زمان قالوا الخي للاخت متل طير بجناح
وجناح الطير اليوم مني راح
يا سنين الفرقة ليش عم تبقي مني قريبة
اخدتي من روحي قطعة عجيبة
وخليتي القلب ليل ونهار ينوح
روح عم تنعي روحها السليبة
يا شمس الامل حلفتك باغلا حبيبة
عن روضة خي لا تروحي ولا تغيبي
مش غريبة يلي بتفقد الاهل والخلان
فقد الخي يا ناس اعظم مصيبة
بدها من الصبر حمل جبال
والله من صبري رافت لحالي كل مصيبة
اليوم بعد سنين يا فرقة
اخدتي من القلب الحبايب سرقة
اخدتي محمود ورحتي لوين؟
قالت ع جنان السما الزرقا
خيك راح بس روحو ما راحت
بقيت من طيب اعمالو
بكل قلب رفقة
خبريني يا روح كيف طلعت من الاحباب
يا ريت تكوني يا روح سافرتي معه برقة
اليوم غادرونا الاحباب
وخلوا ع غيابن القلب ينعي بحرقة
ويا اختي لا تبكي عفراقي..
روحي معك كل يوم الها ملقى
والله سمى نفسه الغفور والرحمان
بفاتحة اذكريني واتصبري بذكر الله عهالفرقة..
بقلم شاعرة الياسمين منى ضيا ( لبنان
تعليقات
إرسال تعليق